У перыяд з 09.10.2023 па 14.10.2023 праводзяцца заняткі па павышэнні кваліфікацыі для настаўнікаў беларускай мовы і літаратуры па тэме «Змястоўна-тэхналагічнае забеспячэнне якасці адукацыйнага працэсу».
У змесце павышэння кваліфікацыі – паглыбленне і сістэматызацыя ведаў па розных аспектах прафесійнай дзейнасці. Педагогі атрымліваюць веды ў галіне сацыяльна-прававой і псіхолага-педагагічнай падрыхтоўкі, знаёмяцца з сучаснымі падыходамі да выкладання вучэбных прадметаў "Беларуская мова" і "Беларуская літаратура". Таксама слухачы знаёмяцца з вопытам работы калег па выкарыстанні сучасных адукацыйных тэхналогій:
Зяневіч Алесі Мікалаеўны, дырэктара дзяржаўнай установы адукацыі "Гімназія № 28 імя Уладзіміра Караткевіча г. Мінска";
Галубовіч Наталлі Мікалаеўны, настаўніка беларускай мовы і літаратуры дзяржаўнай установы адукацыі "Гімназія №14 г. Мінска";
Курыловіча Мікалая Юр’евіча, настаўніка беларускай мовы і літаратуры дзяржаўнай установы адукацыі "Сярэдняя школа №111 імя Міхаіла Каснерыка г. Мінска";
Кендыш Наталлі Антонаўны, настаўніка беларускай мовы і літаратуры дзяржаўнай установы адукацыі "Гімназія №30 імя Героя Савецкага Саюза Б.С. Акрэсціна".